Mənbə: Apasport.az, Şəkil: Apasport.az

Bu gün Avropa Liqasında II təsnifat mərhələsinin ilk oyunlarına yekun vurulacaq. Apasport.az saytının məlumatına görə, Azərbaycan təmsilçisi “Qəbələ” də yarışda mübarizəyə qoşulub.

“Qırmızı-qaralar” mövsümdə ilk rəsmi matçına evdə çıxıb. Roman Qriqorçukun yetirmələri “Yagelloniya”nı qəbul ediblər.

"Qəbələ" matça fəal başlasa da, hesabı qonaqlar açıb. 15-ci dəqiqədə rəqibin ukraynalı müdafiəçisi Taras Romançuk fərqlənib. Təmsilçimizin ilk hissədəki bərabərlik cəhdləri fayda verməyib.

Roman Qriqorçukun yetirmələri ikinci hissəyə isə qolla başlayıblar. 47-ci dəqiqədə Monroz bərabərliyi təmin edib. Davam edən dəqiqələrdə komandalar qarşılıqlı hücumlarla qol axtarışında olsalar da, buna nail ola bilməyiblər.

Görüş 1:1 hesabı ilə başa çatıb.

Avropa Liqası
II təsnifat mərhələsi, ilk oyun
13 iyul

“Qəbələ” (Azərbaycan) – “Yagelloniya” (Polşa) - 1:1

Qollar: Monroz, 47 - Romançuk, 15

Baş hakim: Marko Frits
Baş hakimin köməkçiləri: Holqer Henşel, Marsel Pelqrim
Dördüncü hakim: Quido Vinkmann (hamısı Almaniya)
UEFA nümayəndəsi: Yevgeni Tratsyuk (Belarus)
Hakim-inspektor: Erol Ersoy (Türkiyə)

8-ci km qəsəbə stadionu

“Qəbələ”: 22. Dmitri Bezotosnı, 3. Voyslav Stankoviç, 6. Elvin Məmmədov, 12. Endryu Hellidey, 14. Cavid Hüseynov (k), 15. Vitali Vernidub, 18. İlqar Qurbanov, 19. Filip Ozobiç, 20. Xuan Hernandez, 28. Steven Jozef-Monroz, 34. Urfan Abbasov

Ehtiyat oyunçular: 23. Aqil Məmmədov, 5. Rasim Ramaldanov, 8. Qismət Əliyev, 11. Asif Məmmədov, 16. Dion Malone, 21. Deyvi Bultyuz, 45. Famussa Kone

Baş məşqçi: Roman Qriqorçuk

“Yagelloniya”: 25. Marian Klemen, 4. Yacek Qoralski, 6. Taras Romançuk, 8. Lukaş Burlika, 9. Arvidas Novikovas, 10. Fyodor Çerniç, 12. Gilyerme Sitya, 13. Pırjemislav Mistovski, 16. Qutyer Tomelin, 17. İvan Runye, 18. Silian Şeridan

Ehtiyat oyunçular: 96. Damian Veqlarz, 2. Ziqmund Qordon, 7. Dmitro Xomçenovski, 20. Davit Şimonoviç, 23. Damian Şimanski, 26. Martin Pospisil, 44. Lukaş Sekulski

Baş məşqçi: İrenyus Mamrot