Mənbə: 3DNews.ru, Şəkil: 3DNews.ru, Müəllif: İsmayıl Mikayılov (MIF TV)

HMD Global şirkəti rəsmi olaraq Nokia X5 smartfonunu təqdim etdi. Orta səviyyəli model, həmçinin, Nokia 5.1 Plus olaraq tanınırdı. Yeni model ağ, qara və göy rənglərdə mövcud olacaqdır.

Telefonun ekranı 5,86 düym ölçüdədir və HD+ (1520x720) formatdadır. Nisbət 19:9 kimidir. Ekranın yuxarısında kəsik mövcuddur. Kəsik olan hissədə 8 meqapikselli, maksimal diafraqmalı (f/2,2), 80,4 dərəcəli görüntü bucaqlı ön kamera yerləşdirilmişdir.

Əsas kamera ikilidir. Onlardan biri 13 MP (f/2,0), digəri isə 5 MP-dir. Faza avtofokusu və işıq mövcuddur.

Prosessor olaraq Mediatek Helio P60-dan istifadə olunmuşdur. O, özündə 4 nüvəli ARM Cortex-A73 və 4 nüvəli ARM Cortex-A53-ü birləşdirir. Tezlik 2,0 GHz-dir. Qrafikanın alınmasında sürətləndirici olan ARM Mali-G72 MP3 iştirak edir.

Smartfonun operativ yaddaşı 3 GB və 4 GB versiyalarda təqdim olunacaqdır. Eynilə daxili yaddaşı da uyğun olaraq 32 GB və 64 GB versiyalarda təqdim olunacaqdır. MicroSD kartı üçün hissə mövcuddur.